Жемқорлыққа қарсы қозғалыс акциясы аясында №60 МЛ де 30 қараша күні 4 – сынып оқушылары арасында Брейн-ринг «Қазақстан – құқықты мемлекет» атты шарасы болып өтті. Мақсаты: ұлтжандылыққа тәрбиелеу, адам еркінгі мен құқығына деген сыйластық. Іс-шара барысында оқушылар  құқық жөнінде бар білгендерін ортаға салды. Оның ішінде әлем халықтарына ортақ адам құқықтары да қарастырылды.

Ағымдағы жылдың 28 қазанында №60 МЛ акт залында,  ұлтымыздың бір туар азаматы, Алаш қайраткері Ахмет Байтұрсынұлының еске алу кеші ұйымдастырылды. Кеш жетекшілері қазақ тілі мен әдебиеті  кафедрасының мұғалімдері «Ұлт ұстазы»  тақырыбындағы аталмыш шараны биік деңгейде өткізді. 8,9,10 – сынып оқушылары жұмылдырылған мерекелік шарада ән мен күй шырқалып, скрипканың сиқырлы үнімен көрмекделді. Ұлты үшін өмірін қиған ұлы ұстаздың орындалған арманы осы болса керек.

Оқу жылының 1-күні №60 мектеп-лицейінің 9-11 сынып оқушыларына арналған ерлік сабағын ұйымдастырушы-педагог, АӘД пәнінің мұғалімі, майор Танекенов Ә.Т. өткізді. Жиынға арнайы шақыртумен: Астана қалалық қорғаныс департаментінің полковнигі Лекеров Б.К Идеологиялық және тәрбие іс-жөніндегі орынбасары, полковник Пернебеков Б.Е қатысты. Басқосудың негізгі мақсаты жастарымызға ерлік пен батырлықтың мағынасын түсіндіру, әр қилы жағдайларда дұрыс шешім қабылдауға көмектесу болып табылады.

Бүгін №60 мектеп-лицейінде «Мәңгілік ел – қазақстандық отансүйгіштіктің негізі» салтанатты жиыны өтті. Мерекелік жиналысты мектеп директоры Дюсенова Айман Жумагалиевна құттықтау сөзімен ашқан болатын. Және қалалық «Әділет» кәсіподақ комитетінің өкілі Наурызбаева Б.М. мен орта және кәсіптік білім беру басқармасынан Жүнісова Б.К ханымдар оқушыларға жылы лебіздерін білдірді. Салтанатты жиын әуезді ән, әсем бимен жалғасты.

Мемлекеттік тілде оқытылатын сыныптарының арасында 9-мамыр – Жеңіс күні мерекесіне арналған «Ардагерлерге қамқорлық» акциясы ұйымдастырылды. Акцияның мақсаты: ҰОС ардагерлері мен тыл еңбеккерлеріне қолдау көрсету, олардың ерліктерін дәріптеу арқылы оқушыларды отансүйгіштікке тәрбиелеу. Оқушылар, ата-аналар және сынып жетекшілері ардагерлердің үйлеріне барып, қал-жағдайын біліп, әңгімелесіп, сыйлықтарын апарып берді. Игі іс барысында ардагерлер өздеріне қамқорлық танытқан жандарға ақ батасын беріп, алғыстарын айтты.

Отан қорғаушылар күні қарсаңында мемлекеттік тілде оқытылатын бастауыш сынып оқушыларының арасында «Мен және менің отбасым» атты спорттық эстафеталық жарыс өтті. Тәрбиелік іс-шараның мақсаты: Отан отбасынан басталатынын түсіне білу арқылы оқушылардың бойындағы отансүйгіштік , ержүректік, ұлтжандылық қасиеттерін дәріптеу;  Отанын, елін қорғай білуге тәрбиелеу. Барлық отбасылар жарысқа белсене қатысып, жеңіске жетуге ұмтылды. І-орынды суырылып алға  шыққан 1 «Қ» және 2 «Т» сыныптарының Өміртай және Орынбасар отбасылары алды. Жеңістеріңіз құтты болсын!