Профориентаторлық жұмыстар толастамауда. 2023 жылдың 15-17 мамыр аралығында 9-сынып оқушыларын өз оқу орындарымен таныстырып, оқушыларға колледждерде оқу мүмкіндіктері туралы түсіндірме жұмыстарын жүргізуге қатарынан 4 мекеменің өкілдері келді. Бұлар:
- Астана қаласы әкімдігінің «Технологиялық колледжі»;
- «М.Тынышпаев атындағы Қазақ көлік коммуникациялық академиясы» АҚ Ақмола колледжі» ЖШС;
- «Univero және Болашақ даму» қоры;
- «Кettik study» Европалық компаниясы.
Колледждерден келген кәсіби бағдар беру мамандары оқушыларға колледжде оқытылатын мамандық түрлерімен таныстырып өтті. Бүгінгі таңда қажеттілікке ие мамандық таңдау ерекшеліктеріне де тоқталып өтті. Ал «Univero және Болашақ даму» қорынан және «Кettik study» Европалық компаниясынан келген өкілдер оқушылардың шетелде білім алу мүмкіндіктерімен, шетелге оқуға түсу талаптарымен таныстырды. Оқушылардың қызығушылығы анық аңғарылды.