Астана колледждерінің базаларында  өткен «Сенің таңдауың» атты экскурсиялар аясында мектеп-лицейдің 9-сынып оқушылары 26 сәуір күні Қазтұтыну одағының жоғары колледжіне және М.Жұмабаев атындағы жоғары колледжіне барып қайтты. Экскурсия барысында оқушылар колледждердің материалдық базасымен, зертханалары мен практика жүргізілетін кабинеттерімен танысты.  Оқуға түсу шарттары мен колледждер ұсынған мамандықтардың ерекшеліктері туралы ақпарат  алды. Ұйымдастырылған викториналық ойындарға қатысып, оқушыларымыз белсенділік танытты.