Ұлы Абай мұрасын елімізде кеңінен насихаттау мақсатында,  Қазақтың Ұлы ақыны Абай Құнанбаевтың 175 жылдығына арнап №60 мектеп-лицейінде тәлім алып жатқан  4-сынып оқушыларының арасында 2020 жылдың 20 ақпанында «Абай- қазақтың ұлы ақыны» тақырыбында екі кезеңнен  тұратын эсселер сайысы өткізілді. Сайыстың:

• бірінші кезеңі сыныпішілік;
• екінші кезеңі мектепішілік деңгейде өтті.

  Сайыстың басты көздеген мақсаты тәлім алушы шәкірттердің қазақ  жазба әдебиетінің төрінен орын алған ойшыл, философ ,жазушы,ақын,композитор Абай Құнанбаев туралы ойларын қағаз бетіне сауатты да жүйелі жазуын тексеру және де ұлы адамның ұлағатын таныту болды.

   Сайысқа барлығы 12 оқушы қатысты. Сайыс басталмас бұрын сайыскерлермен ұлы ақынымыз туралы:

• «А.Құнанбаев мен үшін кім?» деген тақырыпта пікір алмасу, «Еркін микрофон» стратегиясы бойынша жүргізіліп,әр шәкірттің ойларын тыңдадық;
• Содан соң әр оқушы «Абай - қазақтың ұлы ақыны» тақырыбында 15 минуттық эсселерін жазды.

        Жұмыстарын тексеру мақсатында «Автор үстелі» стратегиясын қолдана отырып,әр сайыскер өз шығармашылық жұмысын назарларымызға ұсынды.

          Әр қатысушы оқушының Абай атамыз туралы жазған шығармашылық жұмыстары көңілге қонымды,көркем және ыстық ықыласпен жазылғаны байқалып тұрды.

            Сол себепті сайысқа қатысушылардың эссе жұмыстарын бағалау барысында марапаттау номинациялар арқылы жүзеге асырылуы дұрыс деп шешім қабылданды.  

Оқушылардың еңбектеріне сай  «Шығармашыл», «Талантты», «Сөзге шебер», «Өнерпаз», «Ең ойшыл», «Ізденімпаз» тағы басқа номинациямен марапаттадық. Осындай талантты жеткіншектер тәрбиелеп отырған ұстаздарға да алғысымыз шексіз!

Ұлы атамыз туралы жазылған оқушылардың эсселері кітапша ретінде  жинақталды.