2025 жылы 10 қараша күні N 60 мектеп- лицейінде Астана қаласы Полиция департаменті Сарыарқа ауданы Полиция басқармасының қызметкерлері: учаскелік полиция инспекторлары А.Иманова мен К. Омаров, полицияның жедел уәкілі Б.Джамангараев, сондай-ақ Патрульдік полиция полкінің инспекторы Д.Буратаевтың қатысуымен 9 сынып оқушыларына арналған профилактикалық дәріс өткізді. Дәрістің мақсаты- жол жүру ережелерін сақтау, құқықбұзушылықтың алдын алу және жасөспірімдердің құқықтық сауаттылығын арттыру болды. Дәріс барысында полиция қызметкерлері оқушыларға жолда жүру қауіпсіздігі құқықтық мәдениет пен тәртіп ережелері туралы түсіндірме жұмыстарын жүргізіп, тақырыпқа байланысты бейне роликтер көрсетті. Оқушылар өздерін қызықтырған сұрақтарын қойып, мамандардан толық әрі нақты жауап алды. Осындай кездесулер оқушылардың мәдениетін қалыптастырып, өз қауіпсіздігіне жауапкершілікпен қарауға тәрбиелейді.