"Әр халықтың тілі көркем әрі ұлы" атты Қазақстан халқы тілдерінің XXIV фестивалі аясында №60 мектеп-лицейінің қазақ тілі мен әдебиеті мұғалімдерінің ұйымдастыруымен 5-29 қыркүйек аралығында түрлі іс-шаралар өткізілді.
Тілдер апталығы ұлтымыздың ұлы ұстазы А.Байұрсынұлының 150 жылдық мерейтойына арналған "Мәңгілік Ел - Мәңгілік Тіл" атты жиынмен ашылды.
Мектебіміздің түрлі ұлт өкілдерінен тұратын оқушыларымыз өз ана тілдерінде өлең-жырларымен шашу шашты.
1-4 сынып оқушылары "Ана тілім, менімен дос бол!" атты сурет көрмесіне қатысты.
5-7 сынып оқушылары "Оқуға құштар мектеп" жобасы аясында өткен "Мен оқыған бір кітап" сайысына қатысып, өздері оқыған кітаптарынан презентациялар жасап бөлісті.
8-сынып оқушылары ағылшын тіліндегі "English speaking countries" сайысына қатысса, 9-сынып оқушылары "Не? Қайда? Қашан?" зияткерлік сайысында атсалысып, өз білімдерін көрсетті.
Фестиваліміздің соңын мектебіміздің 10-11-сынып оқушылары Ұлт ұстазы А.Байтұрсынұлының шығармашылығына арналған "Ой-өріс" интелектуалдық ойынымен аяқтады.