Мемлекеттік тілде оқытылатын сыныптарының арасында 9-мамыр – Жеңіс күні мерекесіне арналған «Ардагерлерге қамқорлық» акциясы ұйымдастырылды. Акцияның мақсаты: ҰОС ардагерлері мен тыл еңбеккерлеріне қолдау көрсету, олардың ерліктерін дәріптеу арқылы оқушыларды отансүйгіштікке тәрбиелеу. Оқушылар, ата-аналар және сынып жетекшілері ардагерлердің үйлеріне барып, қал-жағдайын біліп, әңгімелесіп, сыйлықтарын апарып берді. Игі іс барысында ардагерлер өздеріне қамқорлық танытқан жандарға ақ батасын беріп, алғыстарын айтты.

Отан қорғаушылар күні қарсаңында мемлекеттік тілде оқытылатын бастауыш сынып оқушыларының арасында «Мен және менің отбасым» атты спорттық эстафеталық жарыс өтті. Тәрбиелік іс-шараның мақсаты: Отан отбасынан басталатынын түсіне білу арқылы оқушылардың бойындағы отансүйгіштік , ержүректік, ұлтжандылық қасиеттерін дәріптеу;  Отанын, елін қорғай білуге тәрбиелеу. Барлық отбасылар жарысқа белсене қатысып, жеңіске жетуге ұмтылды. І-орынды суырылып алға  шыққан 1 «Қ» және 2 «Т» сыныптарының Өміртай және Орынбасар отбасылары алды. Жеңістеріңіз құтты болсын!

№ 60 мектеп-лицейінде Әкелер форумы өткізілді.         Мақсаты:  Ата-аналарға бала тәрбиесіндегі  проблемаларды сезіну үшін жағдай жасай отырып,  ондағы әкенің рөлінің  өзектілігі және маңыздылығын аңғарту.   Форумды  «Әкесі барда, өзге үлгінің қажеті жоқ» тақырыбы аясында коучинг түрінде директордың тәрбие жұмыстары бойынша орынбасары Г.М. Шавалиеваның басшылығында өткізілді. Форумға 1-10 сынып оқушыларының ата-аналары қатынасты. Форум қатысушылары оқу мен тәрбие жұмыстарының қиыншылықтары туралы сұрақтарды талқылады.  Әр топ өз

18 наурыз күні мектепте Наурыз мерекесі құрметіне арналған  «Наурыз мейрамы» атты  концерт өткізілді. Концертте «Шаттық» қалалық жарысында ән мен биден жүлделі орындарды иеленген оқушылар және ұстаздар өнер көрсетті.

17 наурыз күні № 60 мектеп-лицейінде «Үздік этноауыл» тақырыбында 9-10 сынып оқушылары арасында жарыс өткізілді. Жарыста әрбір сынып қазақ ұлттық нақышындағы, салт-дәстүрлері көрінісін сахыналап  жатқан, өз ауылын көрсетті. Жарыста ата-аналар да белсене атсалысты. Жарыс нәтижесі бойынша жүлделі орындар белгіленді.

Мектебімізде 17 наурыз күнімемлекеттік тілде оқытылатын бастауыш сыныптарында «Наурыз – жыл басы» атты тәрбие сағаттары өтті. Әр сынып салт-дәстүрге байланысты сахналық қойылымдар көрсетіп, мың бұралған бишілер би билеп, сазды ән-күймен қатар, ұлттық ойындар да ойнатылды. Наурыз мерекесі қызықты да, тартымды өтті.